Гулчеҳра НУР
ЯЛПИЗ КУНЛАРИМ ЙЎҚ, БАРИ БУРГАНДАЙ,
ҚУЁШ ЮРТИМИЗНИ ЁНЛАБ ЮРГАНДАЙ,
АЛДОВ БИЗДА МУҚИМ МАКОН ҚУРГАНДАЙ,
СЕН ҲАМ АЛДАРМИСАН, БИРИНЧИ АПРЕЛ?
х х х
х
Мен тўлдим яқинлар, йироқлар ила,
Бутун эмас, бағри қуроқлар ила,
«Бу – не ҳаёт?» – деган сўроқлар ила… –
Тўкилмасам бўлмас…
Кўзимга зулмнинг тиғи қадалди,
Бўғзимга тош бўлиб йиғи қадалди,
Юртимнинг бори-ю йўғи қадалди… –
Тўкилмасам бўлмас… Läs mer
Гулчеҳра НУР
БЕКАТМАНМИ МЕН, ОНА,
ҒАМЛАР МЕНДА ТЎХТАЙДИ.
ПОРТЛАШЛАРДАН ВАЙРОНА
ДАМЛАР МЕНДА ТЎХТАЙДИ…
х х х
х
Бирма-бир, бирма-бир
сўзимни таъқиблар шуҳратга жазман,
шафқатни билмас…
Барибир, барибир
мен қор остидаги майса эмасман,
эгилгим келмас.
Бирма-бир, бирма-бир
қор сўйлар бесамар кажлик ҳақида:
«Буни дерлар «қиш».
… Барибир, барибир
Менга ёт
жимгина,
қорнинг тагида
баҳорни кутиш… Läs mer
Гулчеҳра НУР
ҚУЁШИ ТУТИЛГАН ЮРТ,
НУРЛАРИ ЮТИЛГАН ЮРТ…
ВО АЖАБО, БУ ЮРТДА
ИЙМОН-ЭЪТИҚОД УНУТ…
х х х
х
Ўқидим… Ўқидим… Шеър – махбусхона…
Ундан фақат оҳ-воҳ, андуҳ таралар…
Борми дардсиз шеърни кўрган замона?
Наҳотки шоирлар ғамдан яралар?!
Шеър битдим… Мени ҳам буткул ёнлаган
Қувноқ вазн-у оҳанг, шодон маросим…
Борки шоир ёзиб тугатолмаган
«Оҳ»дан бўлак, э воҳ, йўқми меросим?! Läs mer
Гулчеҳра НУР
БИРЛИК ИСТАБ,
ҒЎРЛИК ТОПГАН – МЕН,
ҲУРЛИК ИСТАБ,
ХЎРЛИК ТОПГАН – МЕН…
х х х
х
Мен – маккор ўқлардан безган жайрона,
Мен – қилвир андуҳдан тўзган вайрона,
Мен – сўзи ярадор, кўзи хайрона,
Ёнимда бўлинг.
Кўряпман: дунёси – бетизгин, фосиқ…
Одам-ку одамга улкан бахт, тансиқ…
Ҳеч кимга чўзилмас қўлларим чўзиқ,
Ёнимда бўлинг.
Беором хилқатнинг савдоси – икков,
Ярадор юраклар садоси – икков,
Бедаво кўнглимиз давоси – икков,
Ёнимда бўлинг.
Нетардим, дил ёлғиз, ўт билмаганда,
Умримга сиз эҳсон этилмаганда…
Ўтиб кетмоғим бор кутилмаганда,
Ёнимда бўлинг… Läs mer
Гулчеҳра НУР
ИЙМОН, ДЕВДИМ, ЭРКАК ЖОНЛАРИ,
ИФФАТ, ДЕВДИМ, АЁЛ ҚОНЛАРИ…
БЎЛАЁТИР ЮЛҒИЧ-ХАРИСЛИК
ЗАМОНАМИЗ ҚАҲРАМОНЛАРИ…
х х х
х
Эй, менинг сарватим қаттол ҳаётда,
Тансиқ саодатим, ёруғ қисматим,
Ногоҳ кўз юмсам-у, қолсангиз ортда,
Эслашга бўлгайми бирор ҳислатим?
Мен-чи, сўнаётиб, чидарманми, о,
Йитсам-да, сийнамда «оҳ» қоларига,
Саҳовати танҳо, вафоси танҳо,
Суяниб юрганим тоғ қоларига… Läs mer
Гулчеҳра НУР
ШЕЪРИЙ КУЗ КУНЛАРИН СОҒИНДИК,
РЎШНОЛИК ТУНЛАРИН СОҒИНДИК.
ДЎЛЛАРДА ЭЗИЛИБ, СЕЛЛАРДА ИВИБ,
МИЛЛАТ УСТУНЛАРИН СОҒИНДИК…
х х х
х
Ўкирган осмондан сапчийди юрак,
Тизза-бармоқларга тўлар титроқлар.
Бўрон бодом шохин этар чирпирак,
Бандидан узилмиш гўдак япроқлар.
Узилмиш меҳрдан, ориятдан ип,
Атрофдан мосуво салом-у алик.
Янгигина келган баҳорни қувиб,
Ҳаммаёқда ҳоким дўлвор-телбалик. Läs mer
Гулчеҳра НУР
ЖАМИ ДАВРАДОШНИ УЛФАТГА БУРСАНГ,
ЮРТ, ДЕБ КУЙМАСЛИКНИ ИЛЛАТГА БУРСАНГ…
ҚАБРДА ТИНЧ ЁТМОҚ МУДДАО ЭРСА,
ЖОН-У ЖАҲОНИНГНИ МИЛЛАТГА БУРСАНГ…
х х х
х
Бу не бокира кун, –
Оппоқ кийинган.
Шох-шаббалар дуркун,
Момиқ куй инган.
Боқаман. Ўранар
Оқликка руҳим.
Кўзга сургим келар
Январ шукуҳин.
Меҳр чанқоқ сўзга,
Завқ-ла биттаман.
Мендан араз дўстга
Қорхат битаман… Läs mer
Гулчеҳра НУР
ЎТИБ БОРМОҚДАМАН. АЗИЗ ЮРТДОШГА
БАХТ-У ҚУВОНЧЛАРДАН ТОҒЛИК ТИЛАРМАН.
ҲАДЕБ ЁҒАВЕРМАЙ МУШКУЛЛАР БОШГА,
ЁРУҒ КУНЛАРИГА СОҒЛИК ТИЛАРМАН…
х х х
х
Менда ажиб ҳолдир, азизим,
Тилим забун, лолдир, азизим.
Ҳабибимдан кетди ҳабиблик,
Гарчи тили болдир, азизим.
Тиғлар санчди. Чақиргил табиб,
Юрагимдан олдир, азизим.
Заҳри ёмон… Демаган эдим:
«Мени дардда толдир, азизим!..»
Кўз ёшларим оқар ичимга,
Бу қандайин ҳолдир, азизим?!
Тўйдим дунё эрмакларидан,
Мени шеър-ла қолдир, азизим. Läs mer
Гулчеҳра НУР
ШИДДАТ ЭДИ МЕНГА АРДОҚЛИ, САРА,
ШИДДАТ ЭДИ МЕНИНГ САЙРОҚИ ҚУМРИМ.
… ДЕРАЗА ОЛДИДА БИР ХИЛ МАНЗАРА:
АЛДАМЧИ СУКУНАТ ЧЎЗАР ЎЗ УМРИН…
х х х
х
Умримга чидамни метин истарман,
Кўксимга тафаккур ўтин истарман.
Мени шикаста, деб қилманг маломат,
Ғам чекиб, бахтингиз бутун истарман…
7. 02. 1995. Läs mer
Гулчеҳра НУР
СИЗГА ҚОЛСА, ЮТИБ МУНГЛАРИМ,
ОВОЗИМНИ ҚУВНОҚ КЎРСАТАЙ…
… БУ САРҒАЙГАН КУЗАК КУНЛАРИН
ҚАНДАЙ ҚИЛИБ БАҲОР ДЕБ АТАЙ?!
х х х
х
Баҳор. Қуёш. Ҳайбатли тоғлар…
Ўнг-у сўлда ястанган харсанг…
Сен соғинган ғуж қизғалдоқлар…
Энтикиш-ла қошига борсанг,
Майсаларни билиб патгилам,
Майса руҳинг отсанг устига,
Шеър ўқиса баҳор шавқ билан
Баҳормижоз сендай дўстига,
Майса узра чалқанча ётиб,
Кўзларингни юмсанг бир зумга,
Ҳаво латиф, сукунат латиф… Läs mer
